Bumilib sa Power ng Kalikasan

Bumilib sa Power ng Kalikasan
Article posted December 02, 2008
Rating:



Simula ngayon, subaybayan ang pinaka-bagong programang yayanig at magpapamangha tuwing Martes ng gabi, ang 'Full Force Nature' sa Bilib Ka Ba Nights ng GMA. Press release and photos courtesy of GMA Network. Additional text by Loretta G. Ramirez.

Panoorin ang full force ng kalikasan simula sa Martes as Richard Gutierrez hosts his first infotainment show on GMA-7, ang Full Force Nature. Humanda na para sa isang exciting na gabi na puno ng maiiksing kwento tungkol sa mga actual na natural disasters all over the world. Alamin dito ang mga makapigil-hiningang epekto dulot ng mga kalamidad sa pamamagitan ng real life footage at natatanging eyewitness accounts.

Being an environmental advocate, pinili ng Kapuso network si Richard para maging host ng nasabing programa. Babalikan, bubuhayin, at bibisitahin niya kung saan naganap ang ilan sa mga natural disasters sa bansa—mula bagyo, lindol, at marami pang iba.

Matapang na susuungin ni Richard ang anumang kalamidad na makakasagabal sa kanyang pagte-taping ng programa. At upang lalong maging kapana-panabik at kagiliw-giliw ang bawa't episode ay magbibigay din siya ng trivia, eco-friendly tips, at payo kung paano makakaligtas ang mga manonood sa isang natural disaster.

Para sa pilot episode ng show, babalikan ni Richard ang isang mapanganib na ilog sa San Miguel, Bulacan, kung saan siya nag-shooting ng una niyang prime time hit, ang Mulawin. Ibabahagi niya ang kanyang personal na karanasan noong tamaan sila ng flash flood, gayon din ang sa mga naninirahan sa lugar na ito.

Abangan ang kakaibang Richard Gutierrez sa programang ito! Panoorin ang Full Force Nature simula December 2, 2008, Tuesdays, sa Bilib Ka Ba Nights.