Richard Gutierrez secure sa ‘relasyon’ nila ni KC

Richard Gutierrez secure sa ‘relasyon’ nila ni KC
By: Tonee Coraza
Whatever

MASUSUBUKAN ang galing ni Richard Gutierrez sa pagho-host at pagiging isang environmentalist sa bago niyang infotainment show na Full Force Nature na palabas tuwing Martes bilang kapalit ng World Records sa Bilib Ka Ba Nights after GMA Telebabad.

Pupunta si Richard sa iba’t ibang sulok ng Pili-pinas para bigyan tayo ng first-hand view ng hagupit ng kalikasan maging bagyo man, lindol, pagsabog ng bulkan o kung anumang ti-yak na ikagugulat at ikamamangha natin.

“Lubos akong nagpapasalamat sa GMA-7 sa pagbibigay sa akin ng ga-nitong show. Kasi, may magandang pagkakataon akong i-share ang kaalaman ko sa environment para maiwasan ang global warming. Isa kasi ‘yan sa pinakamabigat na problema ngayon ng mundo kasama na ang overpopulation, hunger at global warming. Magbibigay ako sa show ng tips at pointers para makatulong sa pagpapabuti ng ating klima,” ani Richard na member ng Greenpeace-Asia.

Naikabit ang pangalan ni KC Concepcion lately sa hiwalayang Sam Milby at Anne Curtis dahil sa lumabas na item na balak daw ligawan ni Sam si KC, na mariin namang itinanggi ni Sam.

Ano ang masasabi rito ni Richard?

“No comment! Basta good luck na lang sa lahat ng gustong manligaw kay KC,”matipid pero malaman na sagot ng aktor.

Mukhang hindi man lang nakikitaan si Richard ni katiting na pagkabahala o insecurity kung may ibang magmanligaw kay KC.

Aminado si Chard na ganoon siya ka-secure sa ‘relasyon’ at pagtitinginan nila ng dalaga ni Mega.

Sisimulan na nina Chard at KC ang shooting ng Valentine’s movie nila under GMA Films ngayong December.

Napagdesisyunan ng GMA Films na huwag nang mag-shoot abroad.

Instead, dito na lang ga-win ang movie at ipakita ang kagandahan ng Pilipinas sa buong mundo.

Ang pinakamalaking location nila ay sa Coron, Palawan.

Sa late January pa lang sisimulang gawin na Ri-chard ang bago niyang teleserye na Mask Of Zorro. Kasi, concentrated muna siya sa Full Force Nature for one season. Isa pa, nag-hahanap ang GMA-7 ng bago niyang leading lady for Zorro.