Richard Gutierrez, Green-minded

Richard Gutierrez, Green-minded
Article posted December 11, 2008

Sa pinakabagong show ni Richard Gutierrez, ang 'Full Force Nature,' na-ihighlight ang environmental advocacy ng actor. Marami ang nagulat na miyembro pala ng Greenpeace si Richard kaya naman noong press conference ng show, naibahagi ng actor ang kanyang mga experiences sa pagiging aktibo sa movement na ito. Text by Loretta G. Ramirez, Photos courtesy of GMA Network



Ang Greenpeace ay isa sa pinaka active na environmental groups sa buong mundo. Layunin nito na baguhin ang attitude at behavior ng mga tao upang i-conserve at maprotektahan ang ating environment.

Naging miyembro nito si Richard Gutierrez last year at simula noon, naging active na si Richard sa mga environmental campaigns ng grupo. He even asked the help of GMA Network para matulungan siya sa kanyang adhikain.

"Right now, I'm still talking with Greenpeace kung anong mga puwede naming gawin. Pero I'm very committed. I've approached GMA-7 and Bench to help me out and they're all willing to help out naman. So, it's gonna be a big movement,” ang pahayag ni Richard noong nagsisimula pa lang siya sa movement na ito last year.

So far, bukod sa Full Force Nature, nag-host na rin siya ng isang GMA News and Public Affairs documentary, ang Signos: Banta ng Nagbabagong Klima, kung saan hina-highlight ang climate change sa mundo. Tulad ng Full Force Nature layunin nito na magbigay ng information about global warming at isulong ang movement para ma-save ang environment.



Dinagdag pa niya na masayang masaya siya sa bago niyang show dahil matagal na niyang gustong magkaron ng infotainment show which will highlight his environmental advocacy.

"Very important show sa akin itong Full Force Nature. Matagal kong pinangarap magkaroon ng show na ganito dahil ito talaga ang advocacy ko, tungkol sa nature, and I'm very happy and thankful na binigyan ako ng pagkakataon ng GMA-7 na mai-share din yung mga nalalaman ko tungkol sa nature. And of course, itong show will showcase different natural disasters na nangyayari globally and 'yun 'yung target talaga namin, not only to entertain the viewers but also to give them awareness and also to give them information kung anong pwede nating gawin as Filipinos para maiwasan ang paglaganap ng global warming," ang paliwanag ni Richard sa amin.

Suportahan si Richard at ang kanyang layunin to help save the environment, manood ng Full Force Nature, Tuesday nights, right after the Primetime Telebabad block.