Jun Lalin
Abante Tonite


Humanga ang entertainment press sa AVP (audio visual presentation) ng Full House sa press launch nila noong isang gabi sa 55 Events Place, Sct. Rallos St., Quezon City.
Ipinakita sa AVP ang mga eksenang kinunan sa Prague, Czech Republic.
Napatunayan sa AVP na isang big production ang Full House dahil pati sa taping nila sa Prague ay kumpleto ang crew nila.
May producers, technical people at crew sila na involved din sa ilang production companies sa Europe na tumulong sa taping nila sa Prague.
Full production sila at hindi katulad sa ibang taping abroad na iilan lang ang staff and crew.
Ipinagmamalaki ni Ms. Redgie Acuna-Magno (production unit manager) na hindi patago ang taping nila sa Prague ng bagong primetime series nina Richard Gutierrez at Heart Evangelista.
Kumuha sila ng permits sa lahat ng locations nila sa Prague.
Sa Nobyembre 30 magsisimula ang Full House sa primetime ng Siyete. Nga­yong umagang ito, guest ang cast sa SiS. Sa Sabado ay nasa Eat Bulaga at Startalk sila.
Big promo nina Richard at Heart sa SOP sa Linggo at se-segue sila sa Showbiz Central.