Richard at Heart, bigay na bigay sa halikan

Richard at Heart, bigay na bigay sa halikan
Raymond, ninakawan ng salamin

Jun Lalin


SA Lunes ang pilot telecast ng Full House na pinagbibidahan nina Richard Gu*tierrez at Heart Evangelista, kaya ratsada sila sa promo at taping.
Kahapon ay live guests sa SiS ang cast ng Full House at pagkatapos ay dumiretso na sila sa ta*ping.
Bongga ang taping nila kahapon dahil nagpagawa ang GMA 7 ng mock-up ng interior ng eroplano para kunan ang ilang mga eksena roon na kunwari ay papunta at pabalik sila ng Prague, Czech Republic.
Grabe ang production cost ng mock-up na ‘yon ng interior ng eroplano, pero happy si Direk Mark Reyes dahil approved kaagad ng GMA 7 management ang gastos para sa set-up na ‘yon.
Kung sa loob kasi talaga ng eroplano ang taping nila ay mahihirapan sila dahil maliit ang space at limited ang taping hours na puwedeng ibigay sa kanila.
Nakita ko ang set ng mock-up ng interior ng eroplano na ipinagawa nila at parang totoong nasa loob sila ng eroplano, huh!
Bongga ang production cost ng bagong primetime show na ito nina Richard at Heart, kaya lalo silang ginaganahan tuwing pupunta sila sa taping.
Anyway, ang isa sa pi*nag-uusapan sa mga ek*senang ipinakita du*ring the press launch ng Full House ay ‘yung kissing scene nina Richard at Heart na obviously ay bi*gay na bi*gay sila.
Second team-up na ito nina Richard at Heart at close na close na sila, kaya hindi na nahihirapan si Direk Mark na ipagawa sa kanila ang mga ganoong eksena.
Sa sobrang closeness nina Richard at Heart ay minamani na nila ang mga eksena nila, lalo na ‘yung mga eksena kung saan ay palagi silang nag-aaway at para silang mga aso’t pusa.
“Iba ang chemistry nina Richard at Heart, bagay talaga sila na gumanap bilang Justin and Jessie,” sey ni Direk Mark.
***
Sinamahan ko kahapon si Raymond Gutierrez sa optical shop ni Dra. Vivian Sarabia sa SM Megamall dahil nagpagawa ng sunglasses na may grado ang host ng StarStruck V at Showbiz Central.
Sabi sa akin ni Raymond, emergency na ma*kapagpagawa kaagad siya ng sunglasses dahil nahihirapan siyang makakita at masyadong malabo ang kanyang mga mata.
’Yung sunglasses na binili niya sa recent trip niya sa Europe ay nawala noong isang gabi sa isang event na pinuntahan niya.
Ninakaw ang salamin ni Raymond nang ilapag niya ‘yon sa mesa. Tumayo lang siya sandali at pagbalik niya, wala na ‘yon.
Pang-apat na salamin na ‘yon ni Raymond na nawala, kaya wala na siyang extra at kinailangan na niyang pumunta sa optical shop ni Dra. Vivian Sarabia.
Anyway, habang nag*lalakad kami sa SM Megamall ay maraming bu*mabati kay Raymond at kino-congratulate siya.