November 16, 2007 05:19 PM
Friday Journal Online
By: Nitz Miralles

Si Richard Gutierrez lang ang nakapag-first-shooting day kahapon ng A Very Special Love at si Marian Rivera lang ang magsu-shooting today dahil may taping ng Marimar. Three sequences lang ang masu-shoot nito at after 9 p.m. pa, dahil maghapon ang pictorial for Maxi-Peel. Solo pictorial niya ito at ’di sila magkikita ni Kristine Hermosa.Gaya ni Richard, excited din si Marian na magkasama sila sa pelikula at tiniyak na mag-i-enjoy siya’t kaibigan niya ang actor at mabait ito sa kanya. Nagandahan si Marian sa script ni Suzette Doctolero, pero si Mother Lily Monteverde ang pinag-decide nila ng manager niyang si Popoy Caritativo, dahil may exclusive contract siya sa Regal. Mabuti na lang at co-produced ito ng GMA Films at Regal, kaya solved ang problema.’Yun nga lang, priority nitong tapusin ang Bahay Kubo at aalis pa sa December 1 for Las Vegas kasama si Dingdong Dantes at hanggang Dec. 7 sila roon. Pagbalik pa siya makakapag-full-time sa shooting, na tama lang, dahil February 13, 2008 pa naman ang showing nito.Samantala, tutukan ang episode ng Marimar mamaya dahil aaminin na ni Marimar kay Sergio (Dingdong) na anak nito si Cruzita. Wala na itong nagawa kung hindi aminin ang totoo dahil nakiusap si Sergio na sabihin sa kanya ang tunay na katauhan ng bata.