Richard hina-harass ng ex-GF

By: Chan-Chan Torres

Eksenadora Ilang araw na ring pinag-uusapan ang tungkol sa umano’y bugbugan isyu kung saan sangkot si Richard Gutierrez. Nu’ng Linggo sa The Buzz, nagbigay ng paha-yag si Ruffa Gutierrez at bilang depensa sa nakababatang kapatid, sinabi ni Ruffa na walang bugbugang naganap. Ang mga larawang kumakalat ngayon at nasa pahayagan ay kuha raw sa fight scenes ni Richard sa fantaserye nito na Kamandag sa GMA-7. Eh, bakit nga ba may isyung hinarass daw si Richard at may binugbog ang kapatid? Say ni Ruffa, nangyari daw ito sa isang exclusive party ng kaibigan nilang si Tim Yap, nagkayayaan sila sa Embassy (isang bar na naisa rin sa may ari si Tim). Bago sila nagpunta roon, sinabi na ni Ruffa na gusto na raw niyang umuwi at hindi na lang sila sasama ni Richard. Naisip ni Ruffa na baka may ibang outsider na manggulo sa party. Sinigurado naman umano ni Tim kay Ruffa na walang ganitong kaganapan na mangyayari. They were having fun daw sa loob ng nasabing bar at biglang sinabihan na lamang sila na may mga taong nangha-harass kay Richard sa labas. Siyempre, natakot din si Ruffa para sa kapatid. In fact, pinapasok pa raw sila sa isang kuwarto by themselves para mapalayo sa gulo. Habang nagbibigay ng pahayag si Ruffa, binasa rin niya ang statement ng kaibigang si Tim thru text na nagsasabing hindi kinukunsinti ng management ng Embassy ang nangyaring insidente kay Richard at mananagot ang kung sino mang may gawa nito sa aktor. Sa mga binitiwang salita ni Ruffa, mukhang may kinalaman pa ang ex-girlfriend ni Richard sa nangyari, huh? Apparently, hanggang ngayon ay hina-harass nito ang aktor. Ganoon? Mariing sinabi ni Ruffa na tantanan na ang ka-patid niya dahil he has moved on at may bago itong crush na taga-ABS CBN. Sino kaya?