Hula-hulaan 2008!

Jun Nardo



Isang araw na lang at 2008 na. At kapag ganitong panahon, usung-uso at buhay na buhay ang mga manghuhula sa showbiz. At sa totoo lang, natatawa kami sa mga hula ng iba riyan sa mga artista, dahil alam mong hula lang, o tsamba-tsamba lang.



May iba na nagkakatotoo talaga ang mga hula nila. Pero, karamihan sa kanila ay palpak kung manghula.



Hay naku, sa tagal ko na sa showbiz, kahit ako ay puwede na ring manghula tungkol sa mga artista, dahil alam naman natin na history repeats itself lang ang eksena sa showbiz.



For a change, in the spirit of fun, kami naman ang manghuhula at magbibigay ng predictions sa puwedeng maganap next year sa showbiz at sa mga celebrities, nameless man o sikat.



So, heto na ang mga hula, predictions, sapantaha, agam-agam or whatever next year sa showbiz!



SHARON CUNETA - Babalik uli siya sa dating timbang lalo na nga at sagad na naman siya sa trabaho. Kikita sa takilya at aani ng papuri ang pelikula niyang Caregiver under Chito Roño.



MARICEL SORIANO - Hindi pa rin siya pakakawalan ng ABS-CBN. Magkakaroon siya ng bagong TV show pero hindi ‘yon tulad ng kanyang Vietnam Rose, huh!



KRIS AQUINO - Iingay muli ang acting career dahil sa bago niyang TV show. Pahinga muna siya sa hosting job. Matatag pa rin ang relasyon nila ni James Yap, unless... Alam ninyo na ‘yon!



JUDY ANN SANTOS - Matatag pa rin ang relasyon nila ni Ryan Agoncillo. Pero sa gitna ng taon, may malaki siyang desisyong gagawin. Kung ano ‘yon, aba, abangan na lang natin, ‘no? I’m sure, `yung kasal nila ni Ryan ang nasa isip niyo, ha! ‘Yun nga kaya? Hulaan niyo na lang!



RICHARD GUTIERREZ - Makakarelasyon niya si Marian Rivera pero hindi nila ito aaminin. Kasi nga, may movie sila at may TV series pang gagawin, di ba?



DINGDONG DANTES - Magkakaroon ng problema sa lovelife nila ni Karylle. Pero quiet lang ang aktor sa pangyayari. True gentleman siya, kaya he’ll just let it pass. Wow!



PIOLO PASCUAL-SAM MILBY-LOLIT SOLIS - Naku, magkakaaayos din ‘yan. Likas naman ang pagiging mabait ng dalawang aktor lalo na’t Christian sila pareho.



DENNIS TRILLO - Ayoko siyang hulaan. Baka magdenay! Need we say more? Ha! Ha! Ha! Ha!


ARA MINA - Lilipat na sa Dos pero hindi naman siya mamamatay.


KATRINA HALILI - Magkakaroon na ng boyfriend. Itatago lang nga niya ito. Pangit naman na siya ang sexiest woman ng FHM tapos, wala man lang inspirasyon, di ba? Hindi nga lang iri-reveal ni Katrina ang boyfriend niya. True to her form, ika nga.



RHIAN RAMOS - Aamin na sa mga nakarelasyon niya para matigil na ang hate emails na pinadadala sa mga press.



CRISTINE REYES - Hindi na papatol sa boyfriend na may anak. Tama na ang isang pagkakamali, ‘no? Patulan man niya si Robin Padilla sa series nilang Joaquin Burdado, at least, Muslim ito’t allowed ang apat na asawa, huh!



AI AI DELAS ALAS - Mali-link na naman sa lalaki, ayaw man niya o gusto, huh! Pero hindi pa rin sila magbabati ni Rosanna Roces.



RUFA MAE QUINTO - Magkakaroon uli ng boyfriend pero super-lihim na siya tungkol dito.



MANNY PACQUIAO - Maghihigpit na sa pera. Tatanggalin sa tabi niya ang mga taong nagsasamantala sa kayamanan niya. Titigil na sa paggawa ng pelikula.



MARIAN RIVERA - Lalantad ang mga lalaking nakarelasyon niya noong hindi pa siya artista, pero itatanggi niya ito.



MARK HERRAS - Magbabawas ng work load at magdadagdag ng timbang. Para matigil na ang tsismis na nagda-drugs siya, huh!



REGINE VELASQUEZ AT OGIE ALCASID - Matatag pa rin ang relasyon kahit wala pang resulta sa annulment ng kasal ni Ogie kay Michelle Van Eimeren. Wala pa ring buntisang magaganap.



JANNO GIBBS - Tuluyan na silang magkakabalikan ni Bing Loyzaga. Huwag lang uli ma-link sa ibang girls si Janno, huh!



MOTHER LILY - Tuloy pa rin sa paggawa ng pelikula. Kukuha ng ibang directors para sa bago niyang projects.



ABS CBN AT GMA 7 - Patuloy pa rin ang network war!



Naku, mahirap palang manghula. Pero ang usual namang nangyayari sa showbiz ay mga eskandalo tulad ng pagbubuntis ng isang artista, ang pagpapakasal, pag-amin sa pakikipagrelasyon.



Ang malulungkot naman ay ang pagkakaroon ng trahedya tulad ng pagkamatay ng isang artista, aksidente at pagkakasakit nang malubha.



Hula lang naman ang lahat ng ito. Tayo pa rin ang gumagawa ng sarili nating destiny. Sa showbiz naman, just be professional, marespeto sa kapwa artista at paghusayan ang iyong craft, lahat ng suwerte ay iyong aanihin, di ba?
Happy New year to all!