RICHARD, NASARAPAN KAY MARIAN
Allan Diones
Abante Tonite
December 23, 2007

Enjoy si Richard Gutierrez na makatambal si Marian Rivera sa Valentine movie na A Very Special Love ng GMA Films.
"Si Marian, ang sarap niyang katrabaho. She’s very light to work with. Ang bait niya, not only to me, but sa lahat ng mga tao sa set. She’s very sweet, kaya enjoy kami," sey ng Kamandag heartthrob.
Si Direk Mark Reyes na direktor din ng Kamandag ang nagdidirek ng Richard-Marian movie kaya wala silang problema sa shooting dahil pareho ng schedule sina Richard at Direk Mark.
Alam ng lahat na break na si Richard at ang model girlfriend niyang si Georgina Wilson, pero ayon sa binata ay hindi ‘loveless’ ang kanyang Pasko.
"Alam mo kung bakit? Kasi, ang dami kong minamahal ngayon. Nandiyan ‘yung pamilya ko, di ba?
"At ngayon talaga, sobrang focused ako sa work ko. Next year, marami akong naka-lineup na projects. So, I’m focused ngayon sa trabaho," pakli ni Chard.
Ano ang masasabi niyang ‘the best’ na nangyari sa kanya ngayong 2007?
"Syempre, ‘yung aside from my work, it’s more of my growth as a person. Itong taon na ‘to, talagang nakilala ko ang sarili ko.
"I saw my good side, I saw my bad side and alam ko kung ano ‘yung kailangan kong baguhin for next year.
"And at the same time, I’m very happy. Kasi, kahit anong nangyayari sa buhay ko, patuloy na nandiyan ang pamilya ko sa likod ko. They keep me grounded, they keep me strong."
Ano naman ‘yung worst thing na nangyari sa kanya this year?
"Lahat naman tayo, may kanya-kanyang personal problems, eh! I had my own share. ‘Yun na lang ‘yon. Ha! Ha! Ha!" tawa na lang ni Richard.